Сув хўжалиги тизимида ирригация-мелиорация объектларини қуриш ва реконструкция қилиш ҳамда мелиорация объектларини тизимли таъмирлаш-тиклаш борасида 2022 йилда амалга оширилган ишлар тўғрисида маълумот

2022 йилда сув хўжалиги тизимида ирригация объектларини қуриш ва реконструкция қилиш ишларига марказлаштирилган капитал маблағлар ҳисобидан 868,5 млрд. сўм, мелиорация объектларини қуриш, реконструкция қилиш ишларига 358,8 млрд. сўм, таъмирлаш-тиклаш ишларига 374,9 млрд. сўм, жами 1602,2 млрд. сўм маблағлар ажратилган.

Ҳисобот даврида жами 539 та, жумладан, 226 та ирригация, 100 та мелиорация объектларида қуриш ва реконструкция қилиш ҳамда 213 та мелиорация объектларида таъмирлаш-тиклаш ишлари амалга оширилди. Шундан 621 та объектда (156 та ирригация, 79 та мелиорация объектларида қуриш ва реконструкция қилиш ҳамда 182 та мелиорация объектларида таъмирлаш-тиклаш ишлари) қурилиш-таъмирлаш ишлари тўлиқ якунланган.

Ушбу лойиҳалар доирасида қуйидаги ишлар бажарилган:

- ирригация объектларини қуриш ва реконструкция қилиш бўйича 892,1 млрд. сўм (ажратилган лимитга нисбатан 103%) капитал маблағлар ўзлаштирилиб, 438,6 км каналлар, 141,8 км лоток тармоқлари, умумий сув чиқариш қуввати 17,4 м³/сек бўлган насос станциялар, 19,8 км босимли қувурлар, 35 дона гидротехника иншооти, 54 дона тик суғориш қудуқлари ҳамда 7 дона кўприк қуриш ва реконструкция қилиш ишлари амалга оширилган;

- мелиорация объектларини қуриш ва реконструкция қилиш бўйича жами 375,7 млрд. сўм (ажратилган лимитга нисбатан 105%) капитал маблағлар ўзлаштирилиб, 504,7 км очиқ коллектор тармоқлари, 264,4 км ёпиқ-горизонтал дренаж тармоқлари, 5 дона мелиоратив насос станция, 95 дона вертикал дренаж қудуқлари, 418 дона кузатув қудуқлари, 16 дона гидротехника иншоотлари ва 18 дона коллекторлардаги кўприкларда қуриш ва реконструкция қилиш ишлари амалга оширилган;

- мелиорация объектларини таъмирлаш-тиклаш ишлари бўйича эса жами 379,9 млрд. сўм (ажратилган лимитга нисбатан 101%) маблағлар ўзлаштирилиб, 15 455,0 км коллектор-дренаж тармоқлари таъмирланган ва тикланган.

Сув хўжалигида капитал қурилиш дастурларини
шакллантириш ва амалга ошириш бошқармаси