Сув хўжалиги тизимини рақамлаштириш борасида 2022 йилнинг 9 ойи давомида амалга оширилган ишлар ҳақида маълумот

Ҳисобот даврида вазирлик тасарруфидаги 4540 дона сув ўлчаш постларига “Ақлли сув” қурилмаларини ўрнатиш белгиланган бўлиб, амалда 2 194 дона (48%) қурилмалар ўрнатилган. Шунингдек, 20 та сув хўжалиги объектларининг бошқарув жараёнларини автоматлаштириш белгиланган бўлиб, амалда 8 та (40%) объект тўлиқ автоматлаштирилган. Жумладан, Андижон ва Фарғона вилоятида иккитадан, Қорақалпоғистон Республикаси, Жиззах, Самарқанд хамда Тошкент вилоятида биттадан йирик сув хўжалиги объектини бошқариш тўлиқ автоматлаштирилган.

1234 дона насос станциясига сув миқдорини онлайн назорат қилиш қурилмаларини ўрнатиш режалаштирилган бўлиб, амалда 858 та насос станциясига ўрнатилган ёки режа 70 фоизга бажарилган.

2050 дона мелиоратив кузатув қудуқларига сизот сувлари сатҳи ва минераллашганлик даражасини онлайн мониторинг қилиш қурилмалари ўрнатилиб, бу борада 1722 та қурилма тўлиқ ишга тушган ёки режа 84 фоизга бажарилган.

Ахборот-коммуникация ва рақамли
технологияларни ривожлантириш бошқармаси

Сув хўжалиги тизимини рақамлаштириш борасида 2022 йилнинг 6 ойи давомида амалга оширилган ишлар ҳақида маълумот

“Ақлли сув” қурилмаларини ўрнатиш режаси 2022 йилда 4 540 дона режалаштирилган бўлиб, тасдиқланган режа-графикка асосан январь-июнь ойларида эса 2 368 та қурилма ўрнатиш белгиланган, амалда 1 604 дона қурилма ўрнатилиб, давр режасига нисбатан ишлар 67 фоизга бажарилган.

Мелиоратив кузатув қудуқларига сизот сувлари сатҳи ва минераллашганлик даражасини онлайн мониторинг қилиш қурилмаларини (Дайвер) ўрнатиш режаси 2022 йилда 2050 та бўлиб, тасдиқланган режа-графикка асосан январь-июнь ойларида 812 та қурилма ўрнатилган 98 фоизга бажарилган.

Насос станцияларига сув миқдорини “онлайн” назорат қилиш қурилмаларини ўрнатиш режаси 2022 йилда 1 238 та этиб белгиланган бўлиб, амалда 281 та ўрнатилган.

Йирик сув хўжалиги объектларининг бошқарув жараёнларини автоматлаштириш тизими бўйича 2022 йилда режа 20 та бўлиб, тасдиқланган режа-графикка асосан январь-июнь ойларида 11 та йирик сув хўжалиги объектларининг бошқарув жараёнларини автоматлаштириш белгиланган.

Давлат-хусусий шериклик ва рақамли технологияларни
ривожлантириш бошқармаси

Сув хўжалиги тизимини рақамлаштириш борасида 2022 йилнинг 3 ойи давомида амалга оширилган ишлар ҳақида маълумот

“Ақлли сув” қурилмаларини ўрнатиш режаси 2022 йилда 4 540 дона режалаштирилган бўлиб, тасдиқланган режа-графикка асосан январь-март ойларида эса 282 та қурилма ўрнатиш белгиланган, амалда 65 дона қурилма ўрнатилиб, давр режасига нисбатан ишлар 23 фоизга бажарилган.

Мелиоратив кузатув қудуқларига сизот сувлари сатҳи ва минераллашганлик даражасини онлайн мониторинг қилиш қурилмаларини (Дайвер) ўрнатиш режаси 2022 йилда 2050 та бўлиб, тасдиқланган режа-графикка асосан январь-март ойларида 110 та қурилма ўрнатиш белгиланган, амалда 40 дона қурилма ўрнатилиб, давр режасига нисбатан ишлар 36 фоизга бажарилган.

Насос станцияларига сув миқдорини “онлайн” назорат қилиш қурилмаларини ўрнатиш режаси 2022 йилда 1 238 та этиб белгиланган бўлиб, амалда 150 та ўрнатилган.

Давлат-хусусий шериклик ва рақамли технологияларни
ривожлантириш бошқармаси

Сув хўжалиги тизимини рақамлаштириш борасида 2021 йилда амалга оширилган ишлар ҳақида маълумот

2021 йилда вазирлик тасарруфидаги 3 099 та сув ўлчаш постларига “Ақлли сув” қурилмаларини ўрнатиш режалаштирилган бўлсада, амалда 3121 та қурилма ўрнатилиб, йиллик режа ортиғи билан бажарилган.

Шунингдек, 426 та насос станцияларида сув сарфини онлайн назорат қилиш қурилмалари ўрнатиш режалаштирилиб, амалда 454 та қурилмалар ўрнатилган, режа 107 фоизга бажарилган.

Бундан ташқари, 2022 та мелиоратив кузатув қудуқларига сизот сувлари сатҳи ва минераллашганлик даражасини онлайн мониторинг қилиш қурилмалари режалаштирилган бўлиб, амалда 2395 та қурилмалар ўрнатилган, режа 118 фоизга бажарилган. 20 та йирик сув хўжалиги объектларининг бошқарув жараёнлари тўлиқ автоматлаштирилган.

Сув хўжалиги тизимини рақамлаштириш борасида 2020 йилда амалга оширилган ишлар ҳақида маълумот

Сув ресурсларини самарали бошқариш, сувни тежайдиган ва рақамли технологияларни жорий қилиш, ирригация тадбирларини амалга ошириш, ерларни лазер текислаш, агротехник тадбирларни ўз вақтида ўтказиш ҳисобидан жами 4 млрд. м³ сув тежалди.

Замонавий ахборот-коммуникация технологияларини ривожлантириш орқали сувни самарали бошқариш ва шаффофликни таъминлаш мақсадида, KOICA, GIZ, БМТ Тараққиёт дастури, Швейцария тараққиёт ва ҳамкорлик агентлиги билан ҳамкорликда 98 та “Ақлли сув” қурилмалари ўрнатилди, 10 та йирик гидротехника иншоотлари автоматлаштирилди, 6 та дастурий таъминот, мобиль илова ва геоахборот тизимлари маркази ташкил қилинди.

Ахборот-коммуникация ва рақамли
технологияларни ривожлантириш бошқармаси